बुलढाण्यात टक्कल व्हायरस! तीन दिवसात पडते टक्कल, अजब आजाराने गावकरी हायरान नागरिक भयभीत

बुलढाण्यात टक्कल व्हायरस! तीन दिवसात पडते टक्कल, अजब आजाराने गावकरी हायरान नागरिक भयभीत

केसगळती ही वेगवेगळ्या कारणांनी होते. महिला असो वा पुरूष सगळेच आजकाल केसगळतीच्या समस्येने हैराण आहेत. खासकरून हिवाळ्यात केसगळतीच्या समस्येचा अधिक सामना करावा लागतो. मग लोक ही समस्या दूर करण्यासाठी वेगवेगळे उपाय करतात. वेगवेगळ्या प्रकारचे शाम्पू लावतात. परंतु केस गळती ही काही लोकांना अनुवंशिक असते आणि काही लोकांना केस गळती ही टेन्शनमुळे होते.परंतु बुलढाणा येथे एक नवीनच प्रकार समोर आला आहे सध्या बुलढाणा येथील शेगाव तालुक्यातील काही गावांमध्ये भीतीचे वातावरण तयार झाले आहे. शेगाव तालुक्यातील काही गावांमध्ये लहानापासून ते मोठ्यांपर्यंत तीन दिवसात टक्कल पडत आहे. त्यामुळे आता हा करोना एचएपीव्ही ह्या रोगापेक्षा आता आणखी कोणता नवीन रोग बुलढाणा जिल्ह्यात आला आहे असा प्रश्न सर्वांना पडत आहे. चला तर पाहूया बुलढाणा जिल्ह्यामध्ये नक्की झाले काय? सर्वांचेच केस का गळू लागले आहे? बुलढाणा जिल्ह्यातल्या शेगाव तालुक्यात असणाऱ्या बोंडगाव, कालवड आणि काठोरा या गावांमध्ये केस गळतीचे आजाराची लागण झाली आहे.या गावातील लोकांनी तक्रारी केल्या आहेत की एकदा केस गळती सुरू झाली की काही दिवसांमध्ये संपूर्ण टक्कल पडत आहे. या गावातील पाच ते 50 नागरिकांना ह्या लागण झाल्याचे समोर आले आहे.या आजारामध्ये पहिल्यांदा डोकं खाजवते आणि नंतर सरळ केस हातात येऊ लागतात. त्यानंतर तिसऱ्या ते चौथ्या दिवशी संपूर्ण केसांना टक्कल पडत आहे.